Plantun de Prouvènço

Pèr coumpara dos planto d'encò nostre

Leptodon smithii & Saxifraga diapensioides

Leptodon smithii

Neckeraceae

Nom en français : Leptodon de Smith.

Descripcioun :
Aquelo mousso pluroucarpo trachis majamen sus li pège d'éuse e de roure. Douno de mato plato pu o mens grando, li tijo soun un à dous cop penado. Bagnado fai de tijo plato alor que seco douno de crosso que sèmblon pièi de cascavèu. La fueio èi redouno-óublougo emé de bord lisc. La costo fai aperaqui li tres part dous de la longour de la fueio.

Usanço :
I'a pas trop pèr s'engana emé la crosso-de-Smith que se recounèis pulèu bèn. Es uno meno proun coumuno au nostre e dins lou relarg mediterran. Au contre devèn raro à l'uba, pèr acò èi marcado sus listo roujo categourìo LC valènt à dire soucit minour.

Port : Pluroucarpo
Taio : 5 à 6 cm
Fueio : 0,6 à 1,2 mm
Tipe bioulougico :
Cicle bioulougico : Planto renadivo

Gènre : Leptodon
Famiho : Neckeraceae

Ordre : Hypnales

Coulour de la flour :
Petalo : 0,15 à 0,2 cm
Ø (o loungour) flour : Coumplet
Flourido : Printèms

Sòu : Ca
Autour basso e auto : 0 à 1800 m
Aparado : Noun
Mars à mai

Liò : Pège - Roco
Estànci : Mesoumediterran à Mountagnard
Couroulougi : Oulartico
Ref. sc. : Leptodon smithii (Hedw.) F.Weber & D.Mohr, 1803

Sassifrago(-fausso-diapensìo)

Saxifraga diapensioides

Saxifragaceae

Autre noum : Sassifrajo.

Nom en français : Saxifrage fausse diapensie.

Descripcioun :
Aquesto sassifrago trachis en auto mountagno dins li roucas cauquié o douloumitique. Fai partido dóu group qu'a li fueio courteto e un pau bluio coume Saxifraga caesia qu'elo trachis sus siliço. Se n'en destrìo qu'a proun de péu glandoulous e tambèn que si flour soun pu grando.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 3 à 10 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : 0,5 à 0,8 cm
Flourido : Printèms - Estiéu

Sòu : Ca (Mg)
Autour basso e auto : 1200 à 2600 m
Aparado : Noun
Abriéu à juliet

Liò : Roucas - Baus
Estànci : Subaupen à Aupen
Couroulougi : Ouroufito-Ouèst-Aupenco
Ref. sc. : Saxifraga diapensioides Bellardi, 1792

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Leptodon smithii & Saxifraga diapensioides

Coumpara Crosso-de-Smith emé uno autro planto

Coumpara Sassifrago(-fausso-diapensìo) emé uno autro planto